王君馨直播結婚獨攬二萬獎金
無綫向參與宣傳平台的藝員大派28萬元獎金、手機和10GB用量的4G流動數據，作為獎勵經常開Live。其中於早前直播結婚的王君馨獲派二萬、直播老婆生仔的「一蚊Joe」游莨維獲派一萬一千、呂慧儀獲派一萬、麥明詩獲五千，最後翟威廉、周志康、劉佩玥、林師傑及莊思明的組合「Happy Live」即場獻唱一曲，獲得五萬勤工獎金。
高層余詠珊表示每個月都會搞項目讓藝員有搵錢機會：「下個月都有個唱歌比賽，贏咗會有十幾萬。（派錢係跟點擊Like數？）獎勵嚟，因為計Like唔準確，所以今次用一個花巧啲嘅方法等大家開心。」對於可有藝員爭拗分錢數目？余詠珊昨日說：「開心錢，冇任何人有投訴，至於王君馨個人獨得二萬，係當無綫嫁女禮金啫！」而王君馨昨日出席唇膏廣告活動，自爆常與老公錫錫，但不怕搞出人命：「計日子啦，自己小心啲。（前晚有兩萬元獎金點用？）補貼買電視及抽濕機。」而吳業坤前晚於節目後在網上留言：「點解我瞓醒牙都未刷就做Live 1,000蚊都冇」！「葡萄」的坤坤昨日笑說：「可能我直播太無聊，唔出聲冇同人講吓早晨。」他更懂得自我安慰笑說：「唔緊要啦，昨晚有部新手機算係咁。」