由於王浩信老婆陳自瑤在社交網站甫出一張與囡囡王靖喬的合照，但王浩信未有及時畀Like，惹來網友揣測兩人婚姻關係是否陷入危機。前晚王浩信出席直播節目時笑笑口說：「好大鑊呀！未畀Like都成為罪行！（網友揣測你哋婚變？）同老婆關係OK！」問到之後會否更「識做」？他笑說：「佢做直播，我都會送心、送朱古力同送啲鑽石，嗰度啲鑽石平！（幾時送粒真嘅？）真嘢就努力中。」另外，楊潮凱、王浩信及張振朗前晚同樣以粉色西裝外套加白褲做節目，驟眼睇以為是同款唔同色，連影相的胡定欣都忍不住笑！