萬人迷碧咸（David Beckham）的18歲大仔布魯克林（Brooklyn）年紀輕輕已經換畫N次，最近一次就被爆跟18歲歌手Madison Beer撻着，兩人發展迅速，話咁快女方已經見埋家長！內幕人士透露，布魯克林和Madison於7月20日手拖手現身洛杉磯，繼而步入餐廳跟「碧咸嫂」共進晚餐！雖然母親大人在場，但布魯克林仍被目擊與Madison不時調情，打得火熱，翌日更再相約濕平。
另外，碧咸日前在社交網Instagram上載與布魯克林的車內合照，但對方瞓着覺，碧咸搞笑留言：「係咪因為我講咗啲乜？」又見6歲大囡囡夏柏舒芬（Harper Seven）嘗試扮揸電單車，場面搞笑。