莊思明真空開騷 楊明畀100分

藝人莊思明（Lisa）、麥德羅及王維德等前晚到九展演出《我們的K歌演唱會》。身穿透視裝的Lisa演唱時獲男友楊明驚喜現身捧場，楊明騷後受訪時表示常聽女友唱歌：「100分，不過滿分係200！」原本他要拍劇未能撐場，但收工後即趕來。Lisa認為對方在場亦冇壓力：「都係咁唱。（感覺點？）開心，個心定啲。」問Lisa是否真空上陣？她表示有黐膠紙，楊明笑言本來預備了樽領衫給對方。撐場的莊思敏則大讚妹妹Lisa唱得好：「佢之前搵老師上門教唱歌，我出房門有啲驚，因為聽到地獄來嘅聲音，即係未開聲嗰啲鬼叫。」又笑言已習慣妹妹身邊有個影。另外，她給楊明滿分，希望二人早日結婚。