「叔父」不接受同性婚姻 鄧達智考慮英國結婚
時裝設計師鄧達智（William）今年6月與外科醫生男友陳梓欣突然「訂婚」，9月9日正式補擺訂婚宴，他身為新界屏山鄧氏後人，家族輩分頗高，「訂婚」事件令家族中人大為震驚。
據知村中「叔父」未能接受，更透露傳統上同性婚姻的另一半不能到祠堂拜祭。而William表明訂婚宴不會請家人，問到家人與村民是否依然不接受？他說：「依家佢哋冇咩嘢，最震驚嘅時刻已過咗去，之前去檳城旅行都係同家人一齊去。（村民有冇指指點點？）咁又冇，我做嘢唔會徵求人啲意見，而且呢啲咁私人嘅嘢，關心我嘅人支持我就得，我由細到大都係唔按常理出牌嘅人，無論精神或物質上都唔需要靠人，可以做我鍾意做嘅嘢。」
問到有否計劃幾時結婚？他說：「未有咁快，結婚香港未合法，如果係應該會考慮喺英國結婚。」