鄧浩光唔啱Feel 顏福偉拗攣男友：貪我錢好正常

現年55歲的顏福偉日前接受電台訪問，認為「出櫃」才合乎潮流：「好Trendy，依家好多外國行政總裁都認係同性戀，好似好Proud of自己，鼓勵人『出櫃』係時尚。」他於2007年捲入非禮男的士司機案，最後被判180小時服務令，他自言性格反叛，就算沒惹官非，一樣會公開認同志身份。

兒時玩伴零吸引力

顏福偉曾因與陳鍵鋒及鄧浩光拍廣告而傳緋聞，他指兩男非他「那杯茶」，尤其「頭號緋聞男友」鄧浩光！他昨日接受電話訪問時說：「絕對冇可能，對唔住呀！（鄧浩光好大隻好吸引？）你覺得啫，我一啲啲都唔覺得佢吸引，佢好瘦啦依家，有少少減肥過龍囉！哎吔，唔好講人壞話，哈哈！（佢追過你？）冇，佢好直（鍾意異性）嘅佢。」他又指8歲時和鄧浩光是玩伴，大家一起游水，對於好友被誤會，顏福偉似覺得益了對方：「咁咪好囉，證明佢有魅力，我諗佢被人誤會會開心。」

於非禮案官司後，顏福偉認識了現任男友，至今共拍拖9年，視他為伴，不會只當他sexual partner。他直指男友原是異性戀者，但被他改變了性取向：「佢係為咗我而轉變，佢都冇諗過自己會改變。其實我以前啲伴侶好多本來係直嘅，同佢一齊後，佢會睇女仔，我會睇男仔。」又指二人曾一度分開，男友轉而與女性拍拖，但現又再一起，信佛的他覺得是緣分。問他可有考慮結婚或領養小朋友？他斷言不會，因他有潔癖，不會跟人同居或結婚。

顏福偉（右）日前接受電台節目主持人梁泰來訪問，大談「出櫃」。

顏福偉自爆成功令男友變「攣」，成為雙性戀者。

「出櫃」冇被家人反對

另外，顏福偉是富二代，他稱從不擔心伴侶接近自己是為錢，更覺得：「如果佢唔貪我啲錢，唔通貪我有皺紋咩？貪我錢好正常，冇錢佢點生活呀？」又說寧願在心態上作最壞打算，因最後發現他不是貪錢，而是喜歡自己會覺得開心。問到「出櫃」可有遭家人反對？他說沒有這方面的壓力，更在電話中說：「咩世代呀？（見晒家長？）見過，成日都一齊。」但他以保護另一半為理由，拒透露男友任何資料。

文：音樂組