姜皓文捧「阿女」場 邊喊邊讚
影星姜皓文（黑仔）與小童星「嘉嘉」傅舜盈因在電影中演父女而結緣，感情相當好，不時相約見面晒「父女情」。嘉嘉有份參與配音的英皇電影《喵星人》日前上映，身為「爹哋」的黑仔當然要捧場，更拍片在社交網站分享電影感想，他說：「呢套戲啱大人睇、細路睇、養寵物睇、唔養寵物都啱睇！呢套戲好搞笑，又好感人！小主角嘅配音實在太有感情！」
原來為小主角配音的正是黑仔的「囡囡」嘉嘉，黑仔大讚嘉嘉配音相當有感情，睇戲時自己亦不禁流下男兒淚，笑言感到老懷安慰。問嘉嘉如何投入配音工作？她童言童語地說：「係諗如果婆婆過咗身我會好唔開心！」黑仔即安慰說：「婆婆咁錫嘉嘉，當然會長命百歲啦！」