Heidi心急拍拖 Mark實俄仔學外語

Jessica的隊友Heidi昨日出席活動，同場有俄羅斯型男Ansheles，她表示是首次見對方：「本身好少接觸俄文，想請教佢，其實我每次識唔同國家嘅人，都會問佢哋『我係Heidi』點講。（搵外國人做男友？）冇刻意搵香港定係外國，最緊要溝通到。如果我真係好鍾意佢，我都想學佢嘅語言。」有指她有個時裝店高層男友，她笑說：「唔止！仲有個電影老闆，同埋王宗堯添！（有冇一個係真嘅？）冇。」她坦言遇上合適對象亦想公開戀情：「依家大個，公司都想我哋快啲拍拖，唔想我哋做『籮底橙』！」