馬國明交足戲奉旨咀心穎

藝人胡定欣、馬國明和蕭正楠等前晚出席無綫重頭劇《宮心計2深宮計》煞科宴，但馬國明的緋聞女友黃心穎卻因工作關係未有前來，令定欣、馬國明及心穎的新歡舊愛三角關係欠一個。而會上亦播放了《宮》劇的花絮及精華片段，當中不乏香艷場面，除了有馬浚偉與胡定欣咀嘴外，亦有蕭正楠咀劉心悠和馬國明咀黃心穎，以及馬國明半裸露點與周秀娜出浴等精彩場面，令在場的台前幕後睇到嘩嘩聲。

定欣受訪時被問到前男友馬國明與新歡心穎在橫店開工時是否表現Sweet爆？她笑說：「我可唔可以講有！」更指自己與馬國明現時是好朋友，故與他們相關的負面報道不影響相處：「我祝福佢有個好女朋友、好歸宿，早日成家立室。」又否認她為療情傷而戀上小鮮肉施駿喆的傳聞，指對方只是自己的小影迷。

確認女友名分

而馬國明亦祝福舊愛早日找到拖友：「我都祝佢（胡定欣）早日搵到好男仔，唔使成日搏殺事業。」談到他與心穎在內地朝夕相對，問兩人是否已正式拍拖？他即堅稱仍在「了解中」，但不介意心穎被報道冠以「女友」稱號：「我唔會反駁，但真係了解緊！（仲要了解幾耐？）仲要了解好耐！」他又笑說：「起碼未到一齊睇傢俬！」記者即指心穎最近買樓，他可趁機陪睇傢俬時，馬國明說：「佢自己買樓啫，又唔係同佢嘅共同Project。（同佢有共同Project？）依家冇。」

文：影視組