莊思敏留長髮溝仔

藝人莊思敏昨日出席餐廳活動，透露剛拍完無綫兩套劇，想留回長髮，她說：「短頭髮好耐，想留番長啲，有啲女人味。（吸引異性？）都要搵啲姻緣，超過三年冇拍拖。」她謂因太忙沒時間拍拖，雖有人追，但都不適合，繼而開出條件，揚言不要小鮮肉：「鍾意啲大啲、叻啲嘅人，要食得住我好啲，教到我嘢，要搵唔容易，所以到依家未搵到。」她又透露與王子涵投資七位數字推出運動服，將放上網或健身中心賣。