葉振棠望搵蕭煌奇唱盡心中情

葉振棠將於個唱演繹蕭煌奇歌曲《你是我的眼》的粵語版。

減少舞台機關

葉振棠透露個唱名字的構思來自其首本名曲《忘盡心中情》，實行以好歌會友，但笑言因有太多經典金曲而在選歌方面較為頭痛。談到近兩年沒有開騷，他表示體力還算不錯，唯一是視力只剩下一成，但他仍樂觀地說：「生活上冇太大影響，因為習慣咗，但係就少啲出夜街。所以我每次開騷都戴太陽眼鏡，唔係因為要型，係睇到啲強光會唔舒服，要保護對眼。」更指因視力問題，今次開騷會減少舞台機關。此外，葉振棠表示非常欣賞台灣失明歌手蕭煌奇，同時亦很喜歡對方的歌曲《你是我的眼》，因二人同樣患有視力問題，直言每次聽到此曲都感同身受，從而爭取他為這首歌唱出粵語版本。

• 葉振棠獲林氏夫婦、張家華及羅蘭等現身打氣。

預告男聲大對唱

其唱片公司風行唱片就特別聯絡蕭煌奇方面，商討版權問題及構思時，對方一聽到葉振棠的名字，二話不說便一口答應，屆時葉振棠更會在演唱會內首次公開獻唱《你》的粵語版。至於個唱嘉賓，葉振棠指除了邀請葉潔馨，還請來靚聲歌手譚錫禧來個男聲大對唱，當工作人員提議邀請蕭煌奇任嘉賓，葉振棠笑說：「如果可以就好，係好大嘅驚喜！」

文：音樂組