俞明暈倒街頭送院

93歲資深演員俞明,日前因支氣管炎和感冒,在家人陪同下看醫生後,於返家途中突然暈倒,隨即被送院治療。

其女兒昨日受訪時說:「爸爸星期四晚唔舒服,我哋陪佢睇醫生後,嗰日條街可能太熱,爸爸體力不支暈低咗,好彩阿女喺旁邊,街上亦有好多人幫手,之後叫白車送爸爸入院。依家佢留院休息,冇乜大礙,多謝關心!」俞明女兒表示爸爸年事已高,正享清福,沒有再拍劇。