冇同JW反面 G.E.M.等埋超蓮幾Pair去旅行

鄧紫棋、林欣彤（Mag）、蔚雨芯、鄭融、胡鴻鈞等前晚到電視城錄影節目《流行經典50年》，G.E.M.及Mag兩位小巨肺合唱《A.I.N.Y》，並大玩黑白配。

結婚先公布

G.E.M.大讚Mag唱得好，有意邀對方在9月紅館騷任嘉賓，講到演唱會VIP票價高達1,980元，她直言有留意網民意見，問有否Fans呻「買唔起」？G.E.M.說：「多數Fans投訴買唔到，因為數量太少，VIP票係確保坐頭六行，可以入後台同我見面，仲有神秘禮品包！（會否請造型師緋聞男友Mark睇騷？）唔想公開講感情事，等結婚先講。（同Mark結婚？）唔係呀！同邊個結婚都好，等結婚先公布。（有計劃未？）以前想25歲，依家得番一個月，實失敗，所以依家冇Plan！」

放大圖片	G.E.M.與林欣彤「巨肺」相逢，Fans有耳福了！

傳聞令人尷尬

由於Mark是其好友JW（王灝兒）的舊愛，JW近日表示跟G.E.M.已很少聯絡，惹來割席之嫌，G.E.M.說：「冇芥蒂，呢排少見咗朋友，何超蓮都投訴。（同JW絕交？）唔係，但太多呢類傳聞，唔尷尬都變尷尬，如果友情係Solid（堅固），唔會畀呢啲影響，朋友開心自己都開心。」問會否約埋JW兩Pair情侶去旅行？她笑言要等埋超蓮拍拖才能成行，即是承認已有拖拍？G.E.M.尷尬地說：「我係話結婚先公開對象。（但唔否認？）我好似冇否認，但又冇承認。」

Mag表示跟G.E.M.夾定唱法，她唱部分和音，令效果更豐富，不是齋嗌，之前她拍了一套劇，稍後會演舞台劇。

何超蓮、JW

蔚雨芯型格性感。

文：影視組