羅霖唔再出寫真 見好就收

羅霖昨日以評判身份現身選美活動，她表示剛由橫店拍畢劇集返港，今次是第一次跟參賽者見面：「我覺得參加選美係好事，有勇氣去追隨自己嘅夢想。」羅霖回想自己24歲才參選亞姐，自爆當年最大的夢想其實是結婚，但奈何當時沒有對象，故在朋友建議下參加選美。
羅霖表示如果再出書，會分享扮靚心得。
羅霖表示如果再出書，會分享扮靚心得。

提到書展寫真戰，她笑言最開心是做旁觀者，並揚言不會再出寫真：「我覺得見好就收，出咗一次已經好滿足，而且我要求好高，再出嘅話要超越之前，但我覺得好難。如果我再出書嘅話，會教人扮靚。」羅霖表示很高興每年寫真戰都有人提起她，甚至被視為偶像：「所以我要更加努力keep fit，唔想畀人覺得我唔影寫真就走樣，我仲影響到兩個大仔都開始健身。」

羅霖首次與一眾選美參賽者見面。
  • 羅霖首次與一眾選美參賽者見面。