Annie G.湊女玩濕身

前新八模成員兼模特兒Annie G.(吳燕安)於2015年為經營鑽石生意男友Henry誕下囡囡Ariana,榮升做模媽後逐漸淡出幕前,現時專心照顧囡囡。雖然Annie已半退隱娛圈,但仍然以網絡紅人身份出席活動,間中還會帶同囡囡現身。

最近趁住炎炎夏日,Annie G.經常帶囡囡到會所游水,雖然囡囡年紀還小,但已熱愛游泳,Annie G.說:「囡囡成日叫我帶佢去游水,其實我唔識游水,都會陪佢喺池邊玩吓。」她透露曾帶囡囡參加嬰兒游泳堂,但由於池水太污濁,最後決定停止上堂:「因為BB堂已經要潛水穿過啲呼拉圈,佢哋上返嚟飲好多水,啲水又污糟,所以我哋寧願自己教。」她又大讚囡囡容易湊,年紀輕輕已懂得體諒父母,而她更指和男友Henry有結婚計劃。