薛凱琪飲酒壯膽鴨店橫行
藝人薛凱琪（Fiona）最近與兩位台灣女星張鈞甯與陳意涵，參演黃真真執導的電影《閨蜜2之單挑越南黑幫》，劇組特別到越南取景，Fiona透露與兩女朝夕相對，於片場互相整蠱非常高興，她說：「我試過收埋鈞甯部手機，到拍完離開場地都仲收埋，佢驚到眼有淚光。」及後Fiona當然有被她們報仇，就是生日當天被兩女用生日蛋糕忌廉遮眼。
「男妓」投訴太大力
雖然三女每日於互相整蠱的氣氛下開工，但至煞科時卻十分不捨，Fiona說：「今次係我入行以來拍得最開心嘅戲，好少煞科會喊，咁呢套戲係各自煞科，我拍完要走先，走之前同鈞甯錄段片畀意涵，大家都講到喊，錄咗成十幾分鐘，但唔知點解鈞甯喊到好似意涵要死咁，佢兩個都住台灣。」
談到一場去鴨店見識的戲份，鈞甯表示拍攝前特地帶來高粱酒，每人飲一杯壯膽，不過面對在場數十名扮演男妓的演員已準備就緒，三女亦感尷尬，Fiona說：「咁早個人未瞓醒比較怕醜，見到幾十個淨係着底褲嘅男人，我哋拍打佢哋嘅戲，可能飲咗酒會比較放鬆，就畀佢哋投訴我哋太大力，話好痛囉！」
而戲中與拳王泰臣有感情線的鈞甯，則大讚雙方有火花：「我們有一段反串韓劇《太陽的後裔》劇情，他表現出靦腆一面，很搞笑，其實他很有喜感。」
文：影視組
攝：秦健輝
化妝：Jessicachan_makeup
髮型：Jo Lam
服裝：SPIRTUNUS
化妝：Jenny Lin （藍奇工作室）
髮型：Ethan Yao@hc hair culture
服裝：Carven