曾國祥笑王敏奕有得嫁就開心
藝人曾國祥與女友王敏奕昨日首次情侶檔出席珠寶品牌活動，被追問婚期時，曾國祥表示一切隨緣。當問到王敏奕會否想收巨鑽婚戒時，他又取笑女友：「佢有得嫁就開心啦。」兩小口全程大耍花槍，似足預演婚禮！
曾國祥與女友王敏奕昨日以情侶檔姿態，出席珠寶品牌Tiffany & Co.舉行的「Tiffany Diamond Academy鑽石探索學院」開幕酒會，兩人戴上名貴鑽飾登場，即被取笑似舉行婚禮，曾國祥笑說：「演習啫，演習啫！（演習咁多次都唔行動？）火警演習都好多次啦！但好開心，今次係第一次同王敏奕以情侶檔出席活動，之前都係去首映。」他坦言酬勞可觀：「為將來屋企儲吓錢囉。」
仲後生唔急結婚
問到是否把錢交由女友保管？曾國祥表示現階段與女友財政獨立。問王敏奕會否想收到男友送巨鑽？她害羞地說：「冇諗過大定細喎，心意啫。」曾國祥取笑女友：「佢有得嫁就開心啦，講笑啫，佢面都紅晒啦！（幾時結婚？）一切隨緣。」王敏奕亦附和：「睇吓有冇時間先，我唔急。」曾國祥即說：「係啦，我同你都咁後生。」
余安安：唔使慰問秋生
同場的藝人余安安被問到好友黃秋生與導演王晶於社交網隔空罵戰一事，她拒絕評論事件，亦指不需慰問秋生。對於曾合作的薛凱琪傳跟富二代緋聞男友鄧浩基秘婚？她說：「梗係唔係啦！我同佢好Close，佢唔係一個會秘婚嘅人。」此外，名媛馬梓詠（Helen Ma）亦有現身酒會，她表示很喜歡珠寶，因為可以傳給下一代，認為很有意義。
文：專案組