張衞健有假放叫老婆返港「勞軍」

張衞健（Dicky）、蔡思貝、譚凱琪（Zoie）及楊秀惠等昨日於元朗為無綫劇《大帥哥》拍攝打仗戲份，Dicky以一身大帥造型示人，更熱到心口不斷流汗。他稱日日拍劇似中暑，感覺頭暈及想嘔，完成香港的戲份後會到內地取景45天，但劇組需要一星期準備上內地拍攝的器材與道具，故可以放假。

心理變態 損失慘重

Dicky自爆拍攝前叫太太張茜「撤退」，好讓他專心拍劇，當知道有假放即叫太太返港「勞軍」：「開工咁耐就冇見咁耐，成3個半月，淨係可以傾電話，連講電話都要計時！」並指今次是他入行以來首次拍劇要拍足半年。

提到其他演員表示可以一日拍一組戲是受惠於他，Dicky坦言反而令拍攝時間增加，令其他人少了搵真銀機會，更稱將來若開新戲，會找合適角色給他們以作報答。他又自認心理變態，為此劇推掉三個真人騷、一套劇集及兩套電影。問到損失多少？他說：「自己計啦。（近八位數字？）唉！你哋自己計啦，講錢就冇感情！」

張茜	譚凱琪（左）與蔡思貝穿軍服拍外景。	楊秀惠揸槍有型有款。

楊秀惠增肥失敗

Zoie、蔡思貝及楊秀惠以軍服示人，Zoie說：「之後會上佛山拍45日，聽聞嗰度40℃！」思貝笑言屆時會準備消暑涼茶。楊秀惠則稱本來要為角色增肥，但炎熱天氣下消耗不少體力，增肥失敗。

文：影視組