婷婷化身黑寡婦年底約咗鷹眼
藝人謝婷婷昨日以超級英雄「黑寡婦」造型出席海港城活動，同場還有港男丁子朗及一名小朋友扮演「鷹眼」角色。婷婷坦言荷里活影星「鷹眼」謝洛美維拿（Jeremy Renner）和爸爸謝賢是心目中的英雄，因為「鷹眼」很重視與女兒的關係，又讚他細心、獨立、具備團隊精神、肯接納人意見，令自己進步，直言自己受「鷹眼」影響，更讚其女兒很獨立。問到之前沒承認他是男友，現時情況如何？她說：「其實發生咩佢都知，所以成日話大家誤會。（咁你諗住幾時認？）冇諗住咁快拍拖，始終大家住唔同地方，工作緊要，同埋我覺得依家呢個情況係最好，係我想要嘅嘢，如果我過去讀書咪會見面。（佢會唔會嚟香港？）好似會呀，年尾。（探你？）係呀！（一齊過聖誕？）唔係，聖誕一定同屋企人過。」
丁子朗唔吼姐姐
丁子朗表示最想要的超能力是讀心術，因可知道喜歡對象是否喜歡自己。問到現時有否喜歡對象，子朗認為工作很忙，而且公司同事都比他年長，所以暫時沒有對象。他認為擇偶最緊要溝通到，希望跟自己年紀差不多，笑言未試過姊弟戀：「都未發現到呢樣喜好，公司啲女仔比較年長，有成熟美。」
另外，「鷹眼」於上周六在捷克獲卡羅維瓦利國際電影節（Karlovy Vary International Film Festival）頒發「Presidents Awards」及憑電影新作《Wind River》獲得「Audience Award」，連得兩個大獎的他更開心得跪地感謝影迷。