袁嘉敏食餐飯收一萬蚊利是

擁34D導彈身材的袁嘉敏多年來均以性感形象示人，今年書展會推出一本散文集，內裏亦有不少性感靚相，包括半祼照，袁嘉敏更自掏腰包花幾萬元置裝，而為減低尷尬感，今次特別邀女攝影師操刀。袁嘉敏希望推出新書後，拍戲不再性感：「我拍咗八部戲，有五部都有性感床戲，我覺得已經好夠，所以唔想再接，依家會做生意仔，等有好嘅又唔需要裸露嘅戲先會考慮拍。」
袁嘉敏坦言不想再裸露拍戲。
袁嘉敏坦言不想再裸露拍戲。

袁嘉敏指新書會寫一些過去經歷，她談到當中較奇情的內容：「試過有一次，一位圈中好有地位嘅前輩演員約我食飯，介紹咗兩位商人朋友畀我認識，食完飯之後，其中一位男士手震震咁畀封利是我。（無端端畀利是你唔奇怪？）因為餐飯係今年初嘅年十四左右食，所以我咪收咗兼同佢講番聲生意興隆，之後嗰位前輩藝人叫我打開封利是睇吓幾錢，先知原來成萬蚊，之後個前輩就收咗我封利是。」

袁嘉敏在散文集內收錄性感靚相。
  • 袁嘉敏在散文集內收錄性感靚相。