丘亞葵率19名伶登台 吳美英 吳仟峰氣勢震紅館
粵劇名伶尹飛燕、龍貫天、吳美英、吳仟峰、劉惠鳴與李沛妍等，昨日到尖沙咀出席《粵劇寶典紅館巨星匯演唱會2017》發布會，宣布將於8月4日假紅館演出，並與主辦單位新娛國際負責人丘亞葵（Vigo）齊齊切蛋糕及祝酒，預祝演出順利。
潮爆粵曲演唱會
Vigo表示今次演出邀請了19位粵劇名伶及老倌，陣容強勁，為了等待合適場地而籌備近兩年：「因為好想做一個有規模嘅表演，宣揚粵劇藝術，所以場地堅持喺紅館，終於等到有期。今次製作會比照流行音樂演唱會，有齊升降台、射燈等等，依家主要係安排流程，3個半鐘內有19位演出，內容實在太豐富，所以每首曲段可能會有調整。」
尹飛燕搵龍貫天合唱
吳美英將與好拍檔吳仟峰合作演出《李後主去國歸降》，她笑言：「我哋合作咗實在太耐，今次已經係第三次合作，感情好到以兄妹相稱。而今次咁大個台除咗我哋合唱外，仲會有人伴唱，好有氣勢。」而尹飛燕透露答應Vigo邀請演出後立即找龍貫天（旭哥）拍檔，合唱其名曲《孝莊皇后之密誓》：「旭哥之前都唱過我首歌兩次，係好有緣分。（有咩準備？）旭哥太忙，等緊同佢綵排！」
文：影視組