吳若希繼續生 心郁泰國種孖胎

剛榮升人母的Jinny昨日由澳門返港出席活動，產後正式復工的她以連身短裙配5吋高踭鞋亮相，上台僅25分鐘成功穩袋6位數。她透露積極做運動及打拳減去20磅，目標再減多5磅，而上圍曾升兩Cup的她笑說：「依家跌番一Cup。（唔騷畀大家睇？）留畀個女，因為餵人奶。」

未來奶奶半夜問候

有女萬事足的Jinny自爆因不捨得囡囡，結果錯過一班船返港，問到會否追多個？她坦言有意生多三個：「想有一女、一仔同孖女。（孖胎要有遺傳？）咁去泰國種囉，聽朋友講當地有得揀性別。」對於早前與網民駁火，Jinny自認EQ低，並澄清與未來奶奶關係好：「BB樣曝光後喊咗成日同冇食嘢，未來奶奶凌晨十二點特登嚟安慰我。」

年底與男友註冊

工作方面，Jinny表示假期已結束：「老闆（何哲圖）話準備咗啲歌畀我，不過太耐冇唱有啲怯，頭先嚟活動都好緊張。」至於被指遭歌手菊梓喬搶去「星夢一姐」之位，Jinny說：「都鍾意佢，（我）從來唔係一姐，我係阿妹。」她又表示年底會與男友Alex註冊，之後與家人去旅行，但就不會擺酒。對於藝人賴慰玲未婚懷孕，Jinny說：「關係穩定唔係問題，最緊要雙方肯為小朋友付出。」

文：音樂組

攝：張福宏