何倍倩百搭潮物造型一變十

人稱「恒生新抱」的名媛何倍倩，不時悉心打扮出席不同派對，身上盡是靚衫、靚袋和配飾，但她自言不是購物狂，只挑選可作多種襯法的潮物！近日她就睇中Furla 90周年限量版手袋、Fendi Mini Clutch、Michelle Mason晚裝和Annelise Michelson耳環，以符合她「一變十」的條件為首要，她說：「個限量版手袋高貴得來，casual襯牛仔褲又得，又可當clutch用，好易襯。另外一個Mini Clutch仲好用，除咗前後有兩個間隔同襯法外，最好係size夠大，可以放得落部細相機。」她自言不愛浪費，正所謂着得唔好嘥：「我會將着過嘅長裙拎去改短變及膝裙，好似呢條最近買嘅高衩晚裝，遲啲拎去改成及膝裙襯牛仔褸，變做平日着。」