賀呂晶晶生日諸葛紫岐送好角色
娛樂公司老闆娘諸葛紫岐（Marie）昨日第三年為旗下藝人呂晶晶、曾傅君慶祝生日，同門歌手黎美言及新人鄭富安也有出席。問到送甚麼生日禮物給二人，Marie說：「會為佢哋安排合適工作，同時希望為晶晶搵到好角色！」
向來瓣數多多的Marie透露最近投資5,000萬元作內地演唱會基金，為歌手在內地、香港及澳門製作演唱會，運作上會做到一條龍服務，包括製作、場地、賣飛等，問她最想為哪位歌手開個唱？Marie說：「最重要係賺到錢，內地好多二、三線城市，個市場好大！」
搞製作做生意人
Marie同時有投資內地電視節目，以綜藝真人騷為主，至於會否親身參與真人騷節目？她承認有人找她接洽：「我未知係點，時間上要再安排。（同老公、囝囝一齊拍真人騷？）囝囝唔會，老公好唔鍾意囝囝畀人影到，老公都唔會，佢要做嘅話要先減肥，雖然我鍾意佢肥，但觀眾未必鍾意。」
身體抱恙的呂晶晶上月30日是正日生日，當天她跟母親到了米芝蓮餐廳食飯慶祝，問到緋聞男友黃嘉樂有何表示？她說：「呢個唔係真，唔講。感情未有着落，工作先，我要搵到個思想一致，大家溝通得好好，人品好又專一嘅人先可以發展落去。」稍後她會接拍電視劇飾演律師，正積極讀報紙訓練廣東話咬字。
文：名人組