上黎燕珊節目陳寶珠教路入名校

藝人黎燕珊為奇妙節目《朝拜傲媽》邀得「萬人迷」陳寶珠做訪談，陳寶珠大爆如何幫兒子楊天經考進名校：「要考入去係要計分，包括住址、面試等一大批要求，我周圍請教朋友，終於考入，後來我仲陪佢去美國升讀中學及大學。我從不干預佢嘅決定，升學選科都隨佢喜歡。」黎燕珊亦問到教仔問題，陳寶珠說：「都試過火遮眼，攞起藤條，但事後見佢身上藤條痕好心痛！天經都試過反叛期，佢15、6歲時，母子關係緊張，但有次我去咗朋友屋企，佢專程送上一束花講『母親節快樂』，我好感動，當場流下眼淚！」另外，黎燕珊透露本有意邀子女演出《朝》，惟女兒已長大，因害羞而拒絕。