謝婷婷未認拍拖等「鷹眼」開口
藝人謝婷婷前晚性感現身鐘錶珠寶活動，日前否認與荷里活影星「鷹眼」謝洛美維拿拍拖的她，表示因對方未有開口問她可否做其女友，故形容雙方只是「好過好朋友」，更指十分享受現時的狀況。
謝婷婷前晚以一身黑色中門大開連身褲，出席英皇鐘錶珠寶活動，提到她的緋聞男友兼荷里活影星「鷹眼」謝洛美維拿（Jeremy Renner）手受傷，問婷婷有否以短訊慰問對方？她說：「有問佢，佢同我講隻手好痛。」
同狗都可講我愛你
而早前否認與「鷹眼」拍拖的她，以「好過好朋友」來形容二人關係，更表示十分享受現時狀態：「佢有同我講叫我認咗佢（拍拖），但我冇咁做。佢話全家人都好愛我，但係英文意思有好多種，見到隻狗都可以同佢講I love you，小朋友同好朋友都可以講，但係我好傳統，佢冇問我係咪可以做佢女朋友。（咁佢有冇拍拖？）冇，佢依家單身。」講到本月底是爸爸謝賢81歲生日，婷婷表示會送傢俬給爸爸作生日禮物，銀碼不設上限。
楊諾思唔睇仔女社交網
另外，同場的英皇鐘錶珠寶主席兼行政總裁楊諾思，獲家人到場支持，問到會否找女兒做模特兒？楊諾思說：「佢仲讀緊書。（依家星二代放性感相上網成為焦點，叫佢哋小心？）會，叫佢哋唔好太過性感，要小心啲。」她表示沒有追蹤孩子的Instagram：「但我有Facebook，主要係睇佢哋嘅嘢，但我都好忙好少睇。」
文：專案組