蔣家旻鎖刑具被虐心靈受創

劇集《踩過界》接連有踩界劇情，上星期一集「有錢仔」許家傑帶「啤酒妹」蔣家旻返回放滿SM刑具的密室，Angel被禁錮一個月遭連番施虐，畫面重口味，在網上回響甚大！

試玩SM用具

許家傑及Angel接受專訪時表示，拍攝期間心理壓力比動作戲更辛苦，因抽離不到角色而變得自閉，Angel說：「嗰段時間脾氣好差，就算人哋問我食咗飯未，都覺得煩，只係想匿喺自己世界入面。」許家傑亦不想與人說話，腦海中更不停翻Loop虐打Angel的場面，相當困擾。問到拍攝虐待戲有否感尷尬？Angel讚許家傑有錫住她，令她輕鬆，並說：「都唔會尷尬，可能大家少見TVB有呢類劇情，所以反應好大，當然個景好真實，又皮鞭又手扣，我都有試玩吓，含住條鏈嗰場係有啲辛苦嘅。」

袁偉豪男男咀

許家傑則讚Angel適合飾演被虐的角色：「拍到半夜三點幾已經好攰，但大家一見到Angel扣住啲刑具，成個場即刻好有生氣，大家都High晒！」對於網友奇怪為何Angel被禁錮多時依然「衣衫整齊」，許家傑解釋劇中已講明不涉性侵，並笑指角色另有癖好：「因為佢一嚟到我就鎖起佢，都未有時間除，我又愛佢驚佢凍親呢！同埋着同一套衫一個月有陣味，我仲鍾意！」

許家傑在劇中虐待蔣家旻。	許家傑「重演」角色的心理掙扎，捉住蔣家旻不放。	袁偉豪（上）、許家傑「咀嘴」。

另外，袁偉豪公開近日與許家傑拍攝劇集《棟仁的時光》一場男男咀嘴戲的幕後片段，片中他強吻許家傑，對方邊睇Playback邊慘叫，令人爆笑，袁偉豪留言說：「亂過亂世佳人，已經數不清我吻了多少個男人，PS其實我已麻木了。」

文：影視組

蔣家旻服飾：Amelie Street

許家傑西裝：casa de caballeros

場地：Gatherland Theme Garden Company