高Ling預告封胸泳裝絕迹
藝人高海寧（高Ling）、朱慧敏、黎諾懿及鄭欣宜昨日出席活動，提到高Ling在劇集《賭城群英會》穿三點式成為「深水導彈」，她指是劇情需要，希望大家不要只留意其身材。問到造型性感，緋聞男友鄧智偉會否詐型？她說：「做嘢係自己決定，但嚟緊都可能唔再着泳衣拍嘢，後生可能show多啲，但依家想多啲轉變。」
而育有囝囝「小春雞」的黎諾懿希望兩年後可以生豬女，問到在旁的朱慧敏會送甚麼大禮給BB？黎諾懿即抵死笑言：「小春雞冇咩缺，淨係缺錢。」朱慧敏笑言可以做BB契媽，黎諾懿即要求上契費。朱慧敏反擊指BB的爸媽要封金碗筷給契媽，黎諾懿則笑言她每年要交續約費。