囡囡一歲生日鍾嘉欣開P大搞
為照顧愛女而留在加拿大的鍾嘉欣（Linda），因工作不時兩邊飛，囡囡Kelly下月就一歲生日，她緊張籌備大型派對慶祝，更冧爆表示Kelly識叫媽咪先，果然有女萬事足。
藝人鍾嘉欣（Linda）昨日以代言人身份出席保健食品「田原香」灣仔旗艦店開幕，並擔任剪綵嘉賓，同場還有陳爽及任司儀的鄭紹康。嘉欣表示女兒Kelly下月便滿一歲，愛笑的她非常精靈可愛。現時21磅重的囡囡，對於吃及玩會好堅持，自言是位casual媽咪的嘉欣，亦會適時強硬：「佢依家鍾意撳電話同電視，我只要叫佢個名，佢就會驚。我話no佢真係唔會做，只係轉頭又唔記得。」
人奶之路功成身退
嘉欣續透露因沒有為囡囡搞百日宴，故有意為其大搞一歲生日派對，宴請約80位親友：「我已經買咗好多氣球，主題係happy face。囡囡依家會食固體食物，所以我會買張高櫈畀佢做禮物。」又冧爆表示女兒愛說話，第一個字先講媽媽，三日後識講dada：「我一返香港，佢就叫媽媽。老公依家忙啲，成日返診所，佢就叫dada。佢好黐我哋兩個，我依家仲餵緊人奶，餵到佢一歲就唔餵，到時就可以放佢喺爺爺嫲嫲屋企過夜。」
陳爽兩個未夠數
至於育有一子一女的陳爽，表示有長輩幫手湊小朋友，令她有時間做健身，現已差不多收身成功。問到會否再生？她表示：「暫時唔會，等佢哋大個咗，可能再生多個。依家忙湊B同打理生意。至於幕前演出，如果有嘅都想，但要睇時間安排。大仔八月就讀幼稚園，到時我會有多啲時間陪囡囡。」而首次任司儀的鄭紹康表示前一晚睡不着，問到他主持的電視節目會否添食？他說：「佢哋有提，但又冇講落去，而且都需要時間。」
文：名人組