小S套料成功阿佘最憎志偉

藝人佘詩曼近日為台灣女星徐熙娣（小S）主持的綜藝節目《姐姐好餓》第二季任嘉賓，接受廚藝考驗外還鬥演技、鬥排場！阿佘找來容祖兒、李克勤及蔡少芬等拍片聲援，小S則打溫情牌找家人支持晒溫馨。及後，阿佘於廚藝環節以「麻辣小龍蝦」應戰小S的「清蒸龍蝦」，小S趁機向對方發問尖銳問題，阿佘一一坦白回應，如最討厭大忙人曾志偉及自爆頸部是最敏感部位。雖然阿佘最終輸掉比賽，但仍樂在其中：「小S出名轉數快，所以我都打醒十二分精神，唔多唔少有啲壓力，但上得呢個節目都豁出去，出嚟玩就預咗要還！」