馮盈盈「處」境尷尬唔識答
港姐冠軍馮盈盈一向言論開放，最近在節目中更取笑嘉賓是處男而引起爭議。她前晚出席宣傳時解釋只想為節目搞氣氛，但當被問到會否回答是否處女時，她即面紅尷尬說：「原來真係會唔知點答。」
無綫小花馮盈盈、麥明詩、張秀文、麥美恩與劉穎鏇前晚到鑽石山出席《big big channel後生仔KOL簽約儀式》暨《big big college開學典禮》。身為港姐冠軍的馮盈盈竟在台上出手摸KOL林正峰的肌肉，連司儀也提醒她仍未卸任。打扮最性感的張秀文為林正峰實現願望時，對方毫不客氣向女神請求：「可唔可以掂你？」張秀文笑說：「你想點掂先？」林正峰即搭着膊頭影相，隨後又好像追女仔一樣借故拖張秀文。麥美恩則為洗脫選美時「龍躉村姑」之污名，與陸浩明即場比坐圍，度得35.5吋的她被對方取笑是「TVB龍躉王」！
向嘉賓Say Sorry
馮盈盈最近在節目《#後生仔傾吓偈》取笑嘉賓Danny是處男惹批評，她說：「第一集佢哋有啲怕醜，都係搞吓氣氛，呢啲話題大學生O camp都會講。（有冇人問你係咪處女？）咁又冇。（有人問會點答？）……原來真係會唔知點答，好尷尬呀！真係要同Danny講聲sorry。（如果講性話題呢？）呢個題目冇乜好避忌，會健康討論。（放低港姐形象？）唔係！唔同場合做唔同嘅嘢。」
麥明詩拍過三次拖
被KOL弄得心花怒放的張秀文笑言過足癮，個心卜卜咁跳，坦言喜歡口才了得、腦筋轉數快的男仔：「我鍾意鬥嘴，又大癲大肺。」麥明詩玩遊戲自爆拍過三次拖，但卻被質疑太少，她笑說：「拍過三次拖，仲有一次散拖維持咗幾個月。其實唔使懷疑，中六一次、大學一次、大學畢業之後一次。」
文：影視組