「胡說八道會」一班好姊妹胡定欣、胡杏兒、黃智雯、姚子羚、李施嬅和胡蓓蔚雖然經常去旅行，但姊妹中有人好事近，除黃智雯與男友同居試婚外，姚子羚又與男友鄭子邦感情穩定屢傳婚訊，加上胡杏兒宣布有喜，喜事重重，話題多多，無綫索性安排她們拍攝《胡說八道去旅行》，由胡定欣帶隊，於7月底起程到澳洲墨爾本，拍攝為期兩星期的節目，全程吃喝玩樂，她們可以一邊「胡說」、一邊歎世界！
剛於橫店拍完《宮心計2深宮計》的胡定欣，可趁今次拍攝寓工作於娛樂，又可與姊妹聚頭歎世界，十分難得。定欣透過短訊回覆：「好感激公司各單位互相配合，先可以成就我哋今次呢個旅行團。（開心歎世界？）係！除吃喝玩樂，我哋都會做啲有意義工作，施嬅會做啲環保議題嘅嘢，胡蓓蔚就講扮靚！（有冇料爆？）會同大家分享吓我哋點樣由同事變為好朋友，唔知會唔會玩大踢爆！不過呢個都係開心事，係我哋個會一個紀念作，仲有就係杏兒大住肚都同我哋一齊去，其實今次係一行七人，節目可以記錄住呢刻，更有意思！」