24歲美國流行天后Miley Cyrus走完過火狂野的風格後，最近反璞歸真回歸鄉謠根源，歌詞大談與影星男友里安漢斯禾夫（Liam Hemsworth）的情路，她受訪時更表示在創作上要重奪「話語權」！
以清純形象出道的Miley，自2014年VMA頒獎禮與男歌手Robin Thicke在台上大跳辣身舞後，即成為狂野代表，風頭甚至蓋過百變天后Lady GaGa。不過，Miley最近「洗盡鉛華」，以樸素風格製作新碟《Malibu》，歌曲大部分由她親自創作，主力寫影星男友里安漢斯禾夫，她說：「橫掂我同里安喺餐廳行出嚟人哋都會講我，咁點解唔將話語權放番喺自己身上，表達自己嘅感受？」兩人於2013年一度分手，其後復合，Miley更搬進里安的馬利布寓所。被問到分手時她曾自言要寄情工作，沒有想其他事件，她解釋：「係，但亦因為我當時需要大幅度改變。而我要改變時，如果身邊嘅人冇咁大改變，係好困難，突然間你會覺得你唔再認識佢，我哋要重新去愛上對方。」
全新的Miley亦遠離大麻，她說：「我想我身邊嘅人可以令我改進自己、更完善同開放。而我發現，隊草隊到迷晒嘅人做唔到呢樣嘢，我想要超級清晰同敏銳嘅頭腦，因為我知道自己想點。」雖然她被歸類為「唱作人」，但她坦言平常不喜歡聽男歌手Ed Sheeran與John Mayer那種猶如「穀麥」的唱作人之歌曲，反而欣賞Hip-Hop友Kendrick Lamar，不過她說：「佢新歌《Humble》歌詞提到『畀我睇吓自然嘅有橙皮紋屁股』，而唔係『嚟坐喺我細佬上面，幫我X啦』呢種歌詞，我已經唔鍾意呢種。呢個就係我稍微離開Hip-Hop界嘅原因。」
談到招牌伸脷甫士，Miley說：「我喺紅地氈上面時，嗰啲好X核突嘅攝記，會叫我向鏡頭送飛吻，而我唔係咁嘅人！我唔想向你送飛吻囉。我唔知自己塊面應該可以做乜，於是我就伸條脷出嚟，而佢就變咗一種反叛同Punk-rock姿態。」
政治成為美國的敏感話題，Miley亦表示因為政治立場，抗拒與一些她本來很喜歡的監製合作，令她很掙扎。她自言新碟很政治性，但不想被傳媒曲解為政治宣傳大碟，惹來爭議，她說：「我想用憐憫同諒解嘅方式去同人對話，依家冇人咁做。」Miley曾為希拉妮（Hillary Clinton）拉票，最後對方敗選，由特朗普（Donald Trump）上場，她說：「我鍾意我諗嘢嘅方式，但特朗普嘅支持者唔係都鍾意自己嘅諗嘢方式咩？我想用開放方式去接觸人，嚟表達自己意見，呢個係帶嚟真正改變嘅唯一方法，而唔係因為我想去賣碟！我依家知道乜嘢方法冇用，我喺選舉時好硬銷，但最後我哋輸咗，亦都因為個制度好X，我哋輸咗。我就諗，OK，我今次學到嘢！」
文：外娛組