蔡思貝Keep住拉筋 隨時重溫芭蕾舞

港姐出身的無綫小花蔡思貝，3歲時由母親安排下接觸芭蕾舞，於北京嚴師訓練下，年紀小小已經要穿上Pointe Shoes上堂。為免影響腳趾發育，思貝跳了一輪後暫休，一年後才正式到正統學校上堂，一切由基本功拉筋開始，回憶當年的上堂情況，思貝說：「都好辛苦，上堂前要換衫，着住對絲襪，又要着『蛤乸衣』，當時都唔知點解，只係覺得好靚，慢慢先愈來愈鍾意，其實班入面我資質唔高，只係發吓夢咁，影相都係傻傻吓，但每當表演就會好享受，行出嚟有射燈射住嘅感覺。」
蔡思貝早已習慣挺胸收腹和八字腳行路。
蔡思貝早已習慣挺胸收腹和八字腳行路。

沒想過這興趣一學便是十多年，至13歲出國新西蘭讀中學才停止，她說：「本來都想繼續，但嗰邊最近嘅跳舞學校要揸半個鐘車先到，當時冇錢又冇人車，冇途徑去惟有停，但我一路都有Keep住拉筋同練尖腳。」更指喜歡芭蕾舞的感覺，故早已習慣挺胸收腹的企姿及八字腳行路，笑言若他日有機會，也想再次感受跳舞的回憶。

蔡思貝3歲開始學芭蕾。
  • 蔡思貝3歲開始學芭蕾。

扮老鼠仔的蔡思貝（左二）得意活潑。
  • 扮老鼠仔的蔡思貝（左二）得意活潑。