克勤嗌影相街坊衝上台
歌手李克勤、鄧穎芝（Vangie）、呂珊、「黑妹」李麗霞等前晚出席活動，尹光亦有來捧場，每人輪流獻唱三首歌。其中克勤唱完第二首歌後，見台前有觀眾蹲下影相很辛苦，故叫他們上台影，豈料有數十觀眾即一起衝上台合照，引起一陣小混亂。克勤叫他們在起下首歌音樂前落台，但大家仍未捨得離開，以致音樂要暫停再起過。大家落台後克勤就唱《紅日》，期間親民的他又落台跟大家握手，再次造成小混亂。
欠落周身飛債
事後克勤表示不怕大家衝上台：「係有少少措手不及，一百幾十人衝咗上嚟，不過全部街坊唔怕。（有冇畀人抽水？）未到呢個階段，冇水畀佢哋抽，唔使擔心。」講到9月將在紅館舉行《李克勤慶祝成立30週年演唱會》，欠落周身飛債的他預告將第三度加場：「等好消息，嚟緊應該會加多一場。（總共開八場？）未正式公布，我諗應該得。（再唔夠點算？）我自己o架期就用晒，睇後面可唔可以讓o架。」
鄧穎芝愛咬男友
同場的Vangie透露稍後會拍兩套網絡電影，其中一套是關於功夫，故要上電影特技堂練功夫，她慶幸有跳舞底，較易上手，並說一學就識旋風腿。問到平時可會與男友練習？她笑言：「冇，佢幾大隻，我唔夠佢打。（可以當佢沙包？）平時我好鍾意咬佢，我依家訓練到一伸頭過去佢就好驚。（點解咬佢？）鍾意一個人就會想咬佢。」
文：音樂組
攝：黎志輝