徐肇平冇「情」講唔追蔡思貝
藝人徐肇平出席公開活動時，否認與蔡思貝的緋聞，但大讚對方是「好女仔」，更公開向對方拖友麥秋成「示愛」，又指媽媽黃淑儀關心他的拍拖新聞，不過身為宅男的他，搞笑指因天氣影響暫無意「脫單」。
徐肇平、黃芷晴、甄詠珊及「蘇打綠」鼓手小威等，昨午出席「2017台灣牛肉麵節@荷里活廣場」開幕禮，試食多款牛肉麵，場面熱鬧。徐肇平被問到與蔡思貝的緋聞，他澄清與對方僅屬好朋友，但大讚蔡思貝說：「佢好Outgoing同Nice，好有外國Feel，係個唔錯嘅女仔。（追佢？）唔會！不過（緋聞）冇影響我哋嘅友誼。（你導致佢同麥秋成分手？）希望唔會，我都好鍾意麥秋成。（覺唔覺蔡思貝好識電人？）呢啲觀點問題啫，喺外國攬一攬好平常，但喺香港畀人影到就係新聞。」
他又搞笑指母親黃淑儀有傳緋聞新聞給他：「但佢乜都冇講。（依家單身？）係！（叫朋友介紹女仔畀你識。）過咗夏天先，我依家好少出街，唔習慣香港天氣，出街一小時就想返屋企，一日沖四次涼，不如留喺屋企歎冷氣！」
黃芷晴整蛋糕100分
另外，黃芷晴自爆近日迷上整蛋糕，希望可推出「自家製產品」：「之前整咗個足球形翻糖蛋糕畀爸爸（黃日華）做父親節禮物，但遲咗一星期先夾到時間慶祝，一Pose相出嚟，大家以為爸爸生日。（佢畀幾多分個蛋糕？）一定100分啦。」
文：影視組