劉浩龍與鄭融同場唔使向祖兒備案

歌手鍾舒漫、鄭融、劉浩龍及孫耀威昨日出席活動,劉浩龍與舊愛鄭融前後腳任表演嘉賓,提到二人同場,是否要向女朋友容祖兒備案?劉浩龍直言:「唔使!咁耐仲講,我哋係朋友,冇問題,做嘢,咁耐冇嘢,佢唱歌都好。」他表示1997年參與新秀歌唱大賽,笑言20年後仍有得唱歌好開心,又透露已年半沒有錄歌,把聲「生銹」:「之前把聲壞咗。(搵女友訓練?)有叫佢幫手,佢係好老師。(會唔會同女友合唱?)唔會喇!」

另外,鍾舒漫表示早前與舊愛吳浩康及妹妹鍾舒祺在上海出席髮型騷,昨日差點趕不及從上海返港出席活動:「我哋早上8點3機,已經預早1個鐘,點知好多人,安檢要20分鐘,到Check In,佢話班機Close咗,佢話叫咗好耐都冇人應,真係好失望!」她透露當時妹妹變了家姐搞後補機位:「佢叫我行開一邊。(妹妹係你守護天使?)係!」她由原本早上約11時延遲至下午1時多才到港。提到與舊愛吳浩康一同工作,她表示不會尷尬,有傾偈、有聽他的歌。