一蚊Joe直播老婆生仔剪臍帶
無綫《東張西望》主持游莨維（一蚊Joe）做節目時一向古靈精怪，表情多多。昨日做老竇更破格地在無綫big big channel直播兒子出世及剪臍帶過程，認真夠開放！他坦言剪臍帶時有少許手震，但也手起刀落。
《東張西望》主持一蚊Joe昨日做老竇，太太Clara開刀為他誕下七磅重的兒子Morgan。做節目時古靈精怪的他昨日亦搞搞震，竟然在無綫big big channel直播兒子出世，認真夠潮又破格！
入產房前一蚊Joe已經穿上消毒服及戴上口罩在手術室外等候，他坦言等待是最辛苦，心情又驚又緊張。其後他進入產房繼續直播，在手術床邊支持太太，還開了節拍強勁的音樂為太太打氣，未幾已經傳出BB喊聲，兩人當聽到BB出世的喊聲時表現激動，感動得眼濕濕。醫生笑言BB頭部很大，一蚊Joe與太太忍不住發笑，一蚊Joe對老婆笑說：「BB似你呀，好似你個頭咁大。」
隨後一蚊Joe繼續直播親手為兒子剪臍帶，他問清楚護士要剪的位置後揮刀一剪，笑說：「剪臍帶喇！一、二、三，剪咗喇！Yeah！」他又錫啖太太答謝並拍攝首張全家福，十分溫馨。
手都震埋
初為人父的一蚊Joe受訪時難掩興奮心情：「感覺好奇妙，剪完臍帶後就多咗個新生命，自己亦做咗人老竇。（剪臍帶有冇手震？）有少少手震，但係都手起刀落。（點解會諗到直播生仔？）平時自己都做慣《東張西望》，呢個時刻好有紀念價值，問准咗醫院可以拍片，同太太溝通過，公司平台又話可以做，只係唔可以有咁血腥、血淋淋嘅畫面，同埋條片有寫住慎入。」
文：影視組