日哦夜哦治嘉穎？陳凱琳詐傻扮懵
藝人陳凱琳（Grace）昨日到九龍塘出席活動時，暗示要男友鄭嘉穎做一世「柴可夫」，她說：「我鍾意遊車河，鍾意做乘客，可以睇風景同埋用電話。（羨慕黎諾懿，想快啲生B？）聽佢講湊仔經都幾羨慕，但我唔識照顧BB！」
黎諾懿湊仔有心得
同場的「新手爸爸」黎諾懿則說：「我可以從我個仔嘅喊聲中，分出佢肚餓、眼瞓定屙臭臭！第時教仔，我會好似老婆教狗咁，用『煩』字訣，老婆哦狗一個鐘，哦我兩個鐘，唔畀我瞓就係折磨！」問Grace會否採用黎諾懿太太的方式？她裝作聽唔明說：「我冇養狗喎！（哦另一半？）我知你講咩，我唔答之嘛，嘻嘻！」
