張繼聰瞞住老婆爆房見識吓

張繼聰日前為新片《西謊極落之太爆太子太空艙》拍攝宣傳片，並踩入佐敦的時鐘酒店，玩轉主題情趣房間！阿聰走入以車廂及婦科診所為主題的房間，笑指連時鐘酒店都想法多多，並即興扮搭車及拿起房內的電話把玩，記者笑問車廂何解有電話，他笑說：「咁加鐘都要打電話畀櫃枱！」未幾又走入婦科診所主題房間，拿起聽筒扮醫生，認真搞鬼！

驚返歸衰多口

阿聰與鄭欣宜在片中飾演年輕情侶，因「土地供應」問題致性生活不愉快，所以阿聰戴口罩喬裝，實地走訪各區時鐘酒店，期望解決需要。問到是否第一次去時鐘酒店，趁機大開眼界？他笑說：「梗係第一次嚟啦，當見識吓！做演員幾好吖，可以睇到啲平時睇唔到嘅嘢！」見識過後可會向老婆謝安琪「匯報」？他說：「唔使喇啩！收咗工就唔好帶工作返屋企啦，我哋覺得好笑，但老婆未必覺得好笑，唔好多口啦！」

貪玩的阿聰走入「婦科診所」，仲拎起聽筒扮醫生！	張繼聰與欣宜在片中苦無地方「恩愛」。	林敏驄（左二）突然殺出灑鹽花，引爆笑彈。

林敏驄亂灑鹽花

另外，《西》片前日公開爆笑NG片段，片中阿聰想帶女友欣宜去「太空艙」床位享受魚水之歡，但欣宜反感Say No，中途又殺出林敏驄大講有味笑話，搞到兩人及林盛斌都難以忍笑，唯獨周柏豪勁認真零笑意。

文：影視組