宋芝齡滾水淥腳保鮮紙急救

藝人宋芝齡及安德尊等早前拍攝無綫節目《都市閒情》外景，被本報讀者捕獲，見二人帶90後嘉賓江嘉敏及吳偉豪到美食車打工。宋芝齡昨日透過電話表示當日拍攝時發生意外，穿短衫短褲的她除了曬到甩皮，更不慎打翻滾水，燙傷大髀。
安德尊（後排右起）、宋芝齡、江嘉敏及吳偉豪等拍外景，開心地與小朋友合照。
安德尊（後排右起）、宋芝齡、江嘉敏及吳偉豪等拍外景，開心地與小朋友合照。

宋芝齡說：「我着短褲，所以滾水係淋晒落我右腳大髀，即刻紅晒，好痛！工作人員即刻畀燙火膏我，我搽完就用保鮮紙包住，屋企人做飲食，佢哋話咁樣冇咁易起水泡。」

宋芝齡用保鮮紙包着燙傷的大髀。
  • 宋芝齡用保鮮紙包着燙傷的大髀。