江若琳飛人生活唔鬧唔舒服

為紀念入行十周年，女星江若琳今年回歸樂壇打造新歌《小燈塔》，日前接受東網巨星節目《娛樂onShow》的主持李文珊訪問，指新歌是其十年來的寫照，無論高山低谷也永不放棄。近年已習慣「飛」人生活的江若琳說：「雖然呢幾年係咁跑，但有得做好過冇得做，反而忙得開心，否則會擔心支出同養家。當然係幾癲，有時飛到要橫跨半個地球。依家會爭取時間瞓覺，例如喺機場見櫈就瞓、見地下就攤，唔理得人哋點睇，盡量喺車程瞓，所有交通工具都係我張床！」

李家鼎 嚴師出高徒

江若琳視同年出道的歌手小肥、男星杜汶澤及李家鼎為良師益友，對於教授馬術的師傅李家鼎，她說：「佢係成日鬧我，有時我會同佢講：『你今日唔鬧我，真係有啲唔舒服！』所謂嚴師出高徒，否則我唔會進步得咁快，學一年就可以跨欄跨到一米高，有啲學生幾年都未得。如果我喺馬背跌落嚟，佢會即刻叫我上番去，仲話邊度跌落嚟就邊度起身，呢個真係人生道理。」

江若琳向《娛樂on Show》主持李文珊透露，視同年出道的小肥為知心友。	李家鼎曾教江若琳馬術。	楊斯捷夢想成真，與多年來的偶像MLTR合作新歌。

楊斯捷 學英語圓夢

而早前與知名丹麥男子流行樂團Michael Learns To Rock（MLTR）合作出新歌的楊斯捷（Phoebe）接受訪問時，指小時候已十分喜歡MLTR，絕對是多年來的偶像，故她不斷哀求公司，望有機會合作，更搵老師學習英語，好好增值自己。Phoebe最終夢想成真，令她歡喜若狂，新歌鼓勵大家勇敢追尋真愛。至於想知Phoebe第一次看見MLTR的心情如何；江若琳如何評頭品足另一位好友杜汶澤，甚至對多年來的整容傳聞有何看法？立刻睇東網巨星的《娛樂onShow》搵答案！

文：專案組

場地：Neway

江若琳化妝：Maggie Kuo

髮型：Kel Fung @ HH Hair

楊斯捷化妝：Mimi Lau @ MIMI LAU MAKEUP

髮型：Leighton Aveda Concept Salon