袁澧林劈腿知衰預咗畀人鬧

文青女神袁澧林、宅男女神杜小喬及兩位型男劉俊謙、馬志威（Edward）合演ViuTV劇集《瑪嘉烈與大衛系列 前度》，飾演大衛的劉俊謙與小喬拍拖，同時又戀上廖碧兒，飾演瑪嘉烈的Angela原本有男友許志安，卻與DJ花心男Edward有一手，感情關係複雜！

馬志威自備潄口水

Angela咀戲連場，除獻出螢幕初吻予Edward，又與安仔激咀，講到跟Edward的車廂咀戲，她直言拍攝時緊張到不停傻笑，幸而Edward準備充足帶定漱口水，令她安心不少。演花心女一腳踏兩船的Angela，笑言預咗畀人鬧，更直言跟瑪嘉烈有相似之處：「瑪嘉烈係幾貪新鮮嘅人，覺得人生要拍多幾次拖，同我相似係性格外向鍾意玩，但愛情觀唔同，我都覺得瑪嘉烈好衰，我相信會對多過一個人有好感，但同時有兩個男友好攰，應付唔到。（與拍拖兩年的男友有否這類小風波？）冇，入行後係審美疲勞，見太多靚仔，唔會咁易心動。」

馬志威及劉俊謙笑言下次要玩HeHe唔咀女神。	劉俊謙將螢幕初吻獻給廖碧兒。	袁澧林於劇中背叛男友許志安。

劉俊謙嘴生青苔

被網友封為「娘娘」的小喬為劇集獻出多個第一次，豁出去向阿謙獻出螢幕初吻！阿謙更踢爆她咀到硬軚：「佢上身好似冇咩咁，但對腳緊張到夾埋！」小喬說：「心情好似真係初吻咁囉！（好耐冇錫？）都一段時間，哎呀！做乜講呢啲，因為好多人望住，個心係咁跳！」其實阿謙亦將螢幕初吻獻給同劇的廖碧兒，之後再咀小喬，他笑說：「大家都緊張，我都好耐冇錫，個嘴生晒青苔。」因拍劇結為好友的阿謙與小喬不停互窒講笑，問有否發展空間？他們齊聲說：「冇戀愛火花！係兄弟感覺。」

文：立影

攝：吳文聰

服裝：Sandre/initial（袁澧林）、Scotch & Soda（劉俊謙）、one after another、NICE CLAUP（杜小喬）

Stylist：Menphie（杜小喬、劉俊謙）