陳豪洗肥躉污名打鑊甘

無綫藝人陳豪與陳茵媺自2013年結婚後育有兩仔一女，成為「幸福人夫」。正所謂「有情易脹爆」，一度肥到凸腩現肥臀的陳豪，為了演活新劇《誇世代》中的拳手角色，不惜日操夜操，朱古力肌漸見成形。日前他與劇中女主角李佳芯（Ali）於上環拍攝動作外景，以西洋拳擊退調戲Ali的臭飛。雖然這場戲不需要除衫騷肌，但陳豪一身健碩肌肉早已欲蓋彌彰，就連身上的白色緊身tee也掩蓋不住，超大隻的他一洗年前被指肥腫的污名。

雖然陳豪操肌有成，但他謙稱：「我肥咗太耐冇做運動，依家做番，希望出嚟線條好睇。多謝張繼聰，佢係呢方面專家，share好多知識畀我。（依家幾磅、幾舊腹肌？）其實全部嘢係一個package，食乜嘢、睡眠點配合，健美係個學問。（唔透露操肌成績，以秘密武器贏森美？）其實佢已經好fit，不嬲都好大隻！（兩個囝囝有冇讚爸爸係Ironman？）佢哋有試我啲嘢食，但食一啖就覺得唔好味，走咗！」

未埋位前，李佳芯與陳豪及工作人員有傾有講。	陳豪拳拳到肉，麒麟臂盡現。	演拳手的陳豪雖然身穿白tee，但亦難掩心口胸肌。

Bobby眼發炎停工

至於Ali就透露現實中試過被人撩，她說：「好細個都試過被人撩，都係搭訕、問攞電話號碼、icq，我通常都拒絕，好彩都斯文嘅，唔會好似呢場戲咁大打出手。（拍得辛苦？）好多外景，因為個劇冬天出街，啲戲服好厚都幾熱，呢場夜戲會好啲。」

此外，同劇的張繼聰於訪問中指歐陽震華（Bobby）因拍劇辛苦，抵抗力下降致眼發炎，阿聰說：「希望佢快啲好番！」而監製陳維冠則表示Bobby停廠兩天休息，並冇影響劇集進度，至截稿前Bobby未有回覆。

文：影視組