Kay囡囡100日收感動大禮

謝安琪（Kay）、張繼聰的愛女張靖明日滿100日大，前日「有心人」以「張靖小朋友」名義行善，捐出100盒愛心飯盒給長者，據知「有心人」就是好友蘇永康。Kay喜獲這份極具愛心的禮物，前晚在電話中說：「係由阿公蘇永康送出o架！我收到真係好感動，呢份禮物真係太好。」蘇永康昨日已飛到加拿大登台，起程前他在社交網分享與囝囝Jazz穿父子鞋的蜜照，Jazz肥嘟嘟非常可愛。

張繼聰大讚冇得頂

阿聰昨日以外賣仔打扮出席代言的翠華茶餐廳活動，腳踏3吋高踭鞋的楊洛婷穿貼身露肩裙擔任司儀，阿聰更獲餐廳送他一張VIP卡免費任食。談到囡囡100日，阿聰表示一家人會低調食飯，對於蘇永康的「善心賀禮」，阿聰說：「多謝阿公，我覺得呢個前輩冇得頂，佢好錫我同太太。」問到可有準備禮物給囡囡？他笑說：「我要嘅咩？（送金器畀佢做嫁妝？）諗到第日有男仔拖住佢隻手我都嬲啦，仲叫我準備嫁妝？諗都唔好諗住，我獨霸番佢十年八載先！」俗語有云女兒是爸爸的前世情人，阿聰笑說：「囡囡開始好玩，認到人，每朝早見到我都甜笑，仲要好似少女怕醜咁，總之好冧、笑得好甜。」

湊女忙過做歌手

阿聰也感謝太太Kay過去三個月悉心照顧家人及女兒：「佢呢份工真係忙過做歌手。」記者打趣問會否獎勵太太生多個？他指不能自私叫太太再辛苦生B：「兩個夠啦，湊小朋友真係好花時間。（意外呢？）意外嘅嘢係事在人為。」至於是否將活動酬金全數畀太太？他笑說：「不嬲都係畀晒。（佢咪變富婆？）不嬲大家嘅睇法都係太太比我有錢好多，呢個我冇諗住反駁。」今年他接拍廣告冇停手，他感謝客戶給他機會，問是否囡囡旺他？他即說：「我個女、個仔、家人個個都旺我。」

文：音樂組