陳志雲驚被葉童扯爛衫
藝人葉童、陳志雲（Stephen）、胡諾言及石修等前晚完成舞台劇《雷雨(又寸)日出》尾場，齊齊出席慶功宴。Stephen透露為以最佳狀態演出，特別戒口及食得清淡：「我好鍾意食薯片都唔敢食，今晚（前晚）可以盡情食。」問到舞台劇會否舉行Part2？他說：「李居明話收到好多觀眾反映，希望我哋演出整套作品，但演晒就好長，要成3個幾鐘。」
提到Stephen於劇中遭葉童扯衫，他笑說：「場戲講我自殺死咗，佢好大力同激動咁扯我，次次都好驚佢扯爛我件衫，如果爛咗第二日就冇衫着。」葉童則說：「唔係特登扯佢件衫，唔抵得佢靚仔……其實冇啲咁嘅事。」並自爆有摸對方屁股。