容祖兒「童」心協力捱熱畫畫
國際巨星成龍、天后容祖兒及內地爆紅的陳偉霆合演公益廣告，祖兒要在室內籃球場與小朋友畫畫，但因場館沒有冷氣，又怕開風扇會吹走畫紙，故現場又焗又熱，但她依然落力拍攝，非常專業。
成龍、容祖兒（Joey）及陳偉霆（William）一齊演出央視公益廣告《心手相連篇》，成龍在短片中為龍舟點睛及打鼓，Joey則與小學生畫畫，William就跑步。由於三人經常發放正能量，有公益代表性，所以獲邀一齊演出。短片今日推出，並會在中央台16個頻道播放，廣告是中央電視台公益廣告部出品，聚集大家力量完成。
當日Joey到了深圳一間小學，與約40個小學生一齊拍攝。她與小朋友畫以愛心為主題的圖畫。Joey昨日透過電話表示，當日拍了約半日，但因拍攝前兩日下雨，故工作人員計劃在室內籃球場拍攝，雖然現場又焗又熱，但專業的她仍落力完成。她說：「現場冇冷氣，得風扇，但拍攝時唔可以開風扇，因為驚吹走放喺地上嘅畫紙。之後我哋喺教師圖書館休息，嗰度有少少空調同可以食嘢。」
Joey大讚小朋友很乖及聽老師話，雖然熱到流晒汗，但仍落力畫畫。問她可有畫埋一份？Joey笑言：「畫咗兩筆，因為畫畫唔係咁叻，導演叫我填色，我細個都係鍾意唱歌多啲。」
陳偉霆發放正能量
身在內地拍劇的William表示很榮幸參演廣告，覺得很有意義，故特地向劇組請假到深圳拍攝。片段中，他代表年輕人充滿正能量地跑步，還幫婆婆推垃圾車：「喺中午最曬、天氣最熱嘅時候開始跑，一直跑到太陽落山，但都唔太辛苦，因為我一直有做gym，所以體能OK。」
文：音樂組