夏文汐戀黎耀祥黎諾懿介入
藝人夏文汐昨日到將軍澳電視城為新劇《逆緣》試造型，首次踏足電視城的她被問接拍原因，她坦言是應樂易玲邀請：「新年時大家再傾，今次主要係睇劇本，因為有監製王心慰幫我度身訂造角色，做一位息影女星、搞生意嘅女強人，打理投資公司，加上信風水八卦，其實都係做番自己。（接劇有咩條件？）一日開12個鐘，休息唔夠好影響狀態。」
提到黎耀祥表示恨與她在劇中談情，夏文汐笑說：「好似有段浪漫感情戲，又好似係同黎諾懿，我要睇番劇本先。我好少睇劇，但之前留意到《乘勝狙擊》係幾正，都諗有冇機會合作，巧合地同林夏薇同埋編審班底合作，係緣分。」
