張可頤彈「複製人」冇個性
藝人張可頤昨日以代言人身份出席美容活動，入行23年的她被讚「凍齡」，她即賣口乖表示經常當「白老鼠」試美容儀器。談到時下流行微調，她笑說：「要調都調身材先啦！我唔抗拒，不過最多都係做機。（想大啲？）夠喇！只係想Firm啲啫！」
談及有港姐佳麗出現「間尺鼻」，可頤說：「每個人審美眼光唔一樣，我就崇尚自然。我見過好多女仔無論髮型、輪廓都好似倒模咁，失去自我個性，反而有啲女仔唔靚，但冇問題喎，耐看嘛！」她又透露最近在內地拍攝戚其義製作的劇集：「今次同黃德斌合作，由廿幾歲演到五十幾歲，好有挑戰性！」