黃美棋「醜化」男友

藝人黃美棋及攝影師劉翁(Sunny)前晚到觀塘拍攝ViuTV節目《攝.太帥》,美棋說:「我受男友(鍾健威)影響,迷上咗攝影。(會影情侶大尺度相?)點大尺度法先?平時佢夾band我有幫佢影,佢話我影親佢都唔靚仔,咁我第時影番佢靚仔啲!」劉翁則搞笑說:「我成日叫老婆影啲得三塊葉嘅相,佢唔制,話三塊葉太細,遮唔晒我。今次做呢個節目,諗番自己初入行都撞過板,我唔敢話教新一代嘅朋友,但我會分享撞板經驗。」